Sirf Dil Ki Fakeeri Ko Hi Accha Sira Milta Hai....Kumar Prashant

Gile ShikweN ShikayateN,Inn Sab Se Bhara Milta Hai
Duniya Ke Bazar MeN Har Shakhs Mara Milta Hai

Woh Ek Daur Tha Jab Dil Se Dil Bhi Milte The
Ab Jungle MeN Pauda KahaaN Koi Hara Milta Hai

Sab Daud Rahe Hai Duniya Ki Bheed-Bhaad MeiN..
Apno MeN Bhi Sirf Kya Tera Kya Mera Milta Hai

Ab Tak To Apne Dil Ko Bachaaye Hue HaiN Hum..!!
Varna Yeh Bhi Duniyavi Sawaalo MeN Gira Milta Hai

Mere BuzurgoN Se Kuch Seekha Hai Maine Bhi Saheb
Sirf Dil Ki Fakeeri Ko Hi Accha Sira Milta Hai

TabdiliyoN MeN Har Cheez Badal Rahi Hai 'Prashant'
Kya Ab Bhi koi Insaan Aisa Hai, Jo Khara Milta Hai