Samunder-e-Ashq......"Prashant".

Jab kabhi apni aankhon ke ander dekha,
Zabt  ashkon ka aik samunder dekha.

Alam ye aisa aaj kal se nahi haiN,
Barson se maine yahi manzer dekha.

talashte hain log hatheliyon mein taqdeer,
Maine haathon se bigadta muqadder dekha.

Sukhi hui daali,bikhre hue patte har taraf,
Baagh mein maine rota hua shajer dekha.

Dard se aah ker palatker jo dekha “Prashant”,
Apno ki haathon ghopa hua khanjer dekha.